Ólavsøkurenningin 2011

Lat meg byrja við at siga at eg eri sera sera væl nøgdur við mítt avrik í dag. Eg hevði stóra vónir til mín í dag. Longu í morgun merkti eg eina góða kenslu, eg var sera uppsettur og ógvuliga spentur.

Eg legði nokkso hart út, tann fyrsta km rann eg uppá 3:21. Jógvan Glerfoss hevði lova mær skarpan gang, og hetta royndi hann eisini, men eg fekk rist hann av mær. Henry Olsen var eisini við í dag, men frá honum fekk eg onga kapping. Kilometir 2,3,4 og 5 rann eg avíkavist 3:31,3:34,3:35,3:32. Eg hevði blóðsmakk í munninum tá ið eg kom á mál. Tað merkir í hvørt fall at eg havi givið alt eg hevði í mær.

Alt gekk sum tað skuldi í dag. Eg merkti einki til trupuleikarnar eg havi havt í vinstra skinnabeini. Úrsliti í dag er eitt gott dømi um at hart og miðvíst arbeiði gevur úrslit. Og tað eggjar meg til at halda á fram at venja og gerast enn betur. Dagurin í dag er ein sannur YES dagur.

Næsta avbjóðing verður FM í 5000m á breyt. Tað verður leygardagin 6. august, um eina góða viku.

Comments

  1. Jógvan K. Glerfoss says:

    Job well done Jonhard ! Eg eri sjálvur væl nøgdur við mítt avrik við persónligum meti, og skammist ikki av at hava tapt móti tær 😉 Vit síggjast í dysti aftur skjótt 🙂 Alt tað besta. /Jógvan

    • Hey Jógvan, takk fyri tína viðmerking. Tú er tann fyrsti veruligi vitjandi, sum gevur eina viðmerking á mínum bloggi. Takk fyri góða dyst í dag, eg havi vant sera miðvíst og hart í seinastuni, og tað hevur givið úrslit. Tú mast hava eina góða Ólavsøku, vit síggjast.

  2. Pól Sundskarð says:

    Hey Jonhard.
    Tillukku við tínum flotta úrsliti ídag. Sjálvur hevði eg ætla mær at runni undir 20 min, men tað eydnaðist ikki. Tíðin var 20,04. Nú er upplagt tað tú satsar uppá Tórshavn Marathon tann 4 sept.
    Góða venjing framyvur.

    Alt tað besta
    Pól

    • Hey Pól, takk fyri tað, og stóra tøkk fyri tín uppbakning 🙂 Skulu vit taka ein langan túr sunnudagin?

Speak Your Mind

*