Í kvøld fekk eg endiliga tikið meg saman, eg rann 8 km á rennibandinum. Renning úti kom ikki uppá tal. Veðrið hevur leika í í allan dag. Ikki tí, eg sá á facebook at Hans Klakkstein ætlaði sær ein rennitúr í illveðrinum, mon ikki tað var reyp.
Eg merkti tað væl at eg ikki havi runnið serliga nógv í seinastuni, og var tað eisini orsøkin til at eg valdi ikki at luttaka í VK3 kappingini, sum var hildin í Havn í gjár. Hon bleiv tíbetur avgreidd áðrenn illveðrið brast á.
Eg havi í seinastuni ikki duga nóg væl at lagt mær gerandisdagin til rættist soleiðis, at renningin kann verða ein partur av honum eisini. Hetta má eg nú fáa gjørt soleiðis at eg kann koma í form til 1/2 marathon kappingina í Keypmannahavn síðst í mars komandi ár.
Leave a Reply