Í góðveðrinum í morgin var eg mær ein frálíkan rennitúr út í Oyrar. Annars hevur tað ikki verið mín sterka síða at renna um morgunin, havi tó í samband við marathon venjing tikið morgunin í brúk. Í morgun vóru líkindini so góð, at eg kundi ikki lata vera. Tað er mikudagur, og mikumorgun plaga Vera og Ruth eisini at renna, so teimum møtti eg úti á Skarðhamri, eins og eg møtti Monu og Ellu við Kirkjugarðin. Hundurin hjá Ellu var sjálvandi við.
Í morgun tók eg mína Iphone við so eg nýtti høvi at taka nakrar myndir í góðveðrinum. Eg fekk nakrar fínar ælaboga myndir, havi ikki sæð ælabogna vakrari.
Enn ein super morguntúrur. Eg átti kanska at gjørt brúka av morguntúr oftari. Ein frálíkur máti at byrja dagin uppá.
Leave a Reply