Í morgun var kalt at stíga fram á gólvi. Hevði bestan hugin at legga meg aftur. Men genturnar skulu í skúla so har var einki at gera enn at fara upp og fáa lív í genturnar, tungt er at fáa tær upp. Tað er enn heystfrítíðin sum órógvar, komandi vika verður nokk betur.
Kavin er komin oman á hálvt Kunoyarnes, og hitamálarin í Ósáskúlanum vísti 1 grad. Jú veturin er komin við kuldanum, og kavin er nokk ikki langt vekk.
Eg hevði ørindi í Havn í dag, men timaði tað soleiðis at eg kundi verða við til Treysta venjingina í kvøld. Hóskvøld er interval kvøld, og uppmøtingin var avbera góð. Nærum 40 hugagóðir treystir rennarar stóðu klárir tá klokkan var 18. Gutti legði fyri við eitt sindur av kunning, og so varð fari avstað. Fyrst upphiting í einar 15 minuttir, so intvervallir í Bøgøtu. 10 ferðir eitt rundstrekki uppá umleið 500m. Eitt super venjingarkvøld, sum kuldin onga ávirkan hevði á.
Her eru nakrar myndir frá venjingini.
Leave a Reply