Í morgin er Ólavsøkurenning á skránni. Hetta er eisini seinasta umfar í Grand Prix hjá teimum vaksnu. Tað er altið stuttligt at renna á Ólavsøku. Fyri mítt viðkomandi so byrjar Ólavsøkan við renningini niðri á Skálatrøð.
Tað eru altíð nógvir luttakarar á Ólavsøku, og í ár verður einki undantak. Longu nú sæst á heimasíðini hjá FÍF at nærum 200 vaksin og børn hava melda til. Tað ber eisini til at melda til á staðnum.
Ólavsøkurenning 2010 - startur
Rutan er ógvuliga fløt, men tað eru nógv sving, so talan er ikki um eina skjóta rutu. Nógvu luttakararnir gera tað at tað kann verða rættuliga trongligt ymsa staðni á rutuni. Men tað er júst hetta, sum gera Ólavsøkurenningina til nakað serligt. Rættuliga fitt av áskoðarum plaga at vera, so tað ger tað extra stuttligt.
Eg gleði meg til Ólavsøkurenningina í morgin, sum byrjar kl. 18. Veðurgudarnir lova eitt sindur av regni seinnapartin ímorgin, men vindur verður eingin.
Ólavsøkurenning 2010 - vónandi verður úrsliti betur í ár
Eg vóni at fáa eitt betur úrslit í ár. Seinasta ár kom eg inn á einum 16. plássi við tíðini 18:45. Um líkindini eru optimal so vóni eg at koma undir 18 minuttir.
Leave a Reply