Dagurin ígjár skuldi verða hvílidagur, so tað var bert spurningur um at renna ein ógvuliga róligan túr uppá ca. 3 km. At avgreiða 3 km tekur onga tíð, so eg hevði ikki sett tíðspunkt nær hetta skuldi gerast. Tað regnaði illa í gjár, so eg hugsaði at avgreiða hetta á rennibandinum.
Nógv var á skránni í gjár, so áðrenn eg visti av var klokkan 11 á kvøldi, og eg hevði ikki runnið. Eldra dóttirin, Sólrun, hevði nú yvirtikið rúmið har rennibandi stendur.
Tíanbetur var veðrið vorðið munandi betur, so kl. 23:55 í myrkrinum fór eg ein stuttan róligan rennitúr. Tá eg koma aftur at húsum, nakað yvir midnátt, vísti urið 3,25 km,
So enn kann eg siga at eg havi runnið hvønn dag í ár.
Speak Your Mind