Hvat er næsta avbjóðingin?

Nú eru Grand Prix kappingarnar av á hesum sinnið. Sjey hava tær verið í tali, og eg havi luttikið í teimum øllum. Fyrsta kappingin var á Norðoyastevnu, og seinasta kapping var á Ólavsøku. Um eg skal taka saman um so eri eg nøgdur við mítt avrik, eri tó eitt sindur argur inn á meg sjálvan at eg játtaði meg til oldboyst dyst á Norðoyastevnu. Hesin dystur órógvaði meg rættuliga nógv gjøgnum summari. Ein lærupengi til næsta ár. Sum eg sjálvur so ofta havi sagt, so riggar renning og fótbóltur ikki saman.

Hvat er so næsta mál hjá mær. Eg havi melda meg til FM í 5000m á Tórsbreyt komandi vikuskifti, her ætli eg mær at royna at forbetra tíðina (17:46) eg fekk á Ólavsøku eitt sindur. Eg ivist eisini nógv í at melda meg til FM í Marathon 4. september. Ætlaði so avgjørt at renna eitt marathon í ár. Veit bara ikki um formurin hjá mær heldur til eitt marathon. Eg havi ikki runnið so nógvar langar túrar í summar. Eg havi ongantíð runnið Tórshavn Marathon, tað haldi eg sjálvur er for galið.

Eg fari at testa meg av næstu vikurnar, fyri at staðfesta um eg megni at renna Tórshavn marathon. Fari eg við so verður tað fyri at fáa ein so góða tíð sum møguligt. Tað eru bert 5 vikur til 4. september. Eg havi í dag runnið góðar 21 km við einari km tíð uppá 4:40. Veðrið var ikki av tí besta. Eg føldi meg nokkso troytta aftaná túrin.