Nú nærkast summarkappingarnar

Fyrsta kappingin í Grand Prix er á Norðoyastevnu, man kann siga at summar-kappingarnar byrja við Føroya Bjór renningini á Norðoyastevnu. Eg havi vant ógvuliga miðsvíst í ár, og er formurin hjá mær bara heilt góður. Eg mangli tó rættuliga at fáa ferð í beinini, tað vænti eg fer at koma í leypi av summarinum.

Føroya Bjór renningin er 5 km, og ætli eg mær at royna at koma undir 18 min. hetta meti eg skuldi verið gjørligt. Seinasta ár rann eg bert á Ólavusøku, sum eisini er 5 km. tá kom eg í mál sum nr. 16 við tíðini 18:45.

Í ár ætli eg mær at royna at luttaka í øllum Grand Prix kappingunum.

Gott veður

Seinstu dagarnir hevur veðrið bara verið super. Tað er hugaligt at renna í góðveðrið, til ber at renna í shorts og stuttum ermum.
Apríl gjørdist heilt góður, eg rann hvønn dag og eg legði 320 km afturum. Næsta stóra avbjóðingin verður FM 1/2 marathon, sum verður nú leygardagin. So hesa vikuna til leygardagin trappi eg niður, soleiðis at eg verið totalt úthvíldur.

20110503-125739.jpg